जय -जय गिरिवर राज किशोरी Lyrics Jai Jai Girivar Raj Kishori Lyrics

सीता जी द्वारा पार्वती जी की स्तुति

जय -जय गिरिवर राज किशोरी । जय महेश मुख चन्द चकोरी।।

जय गजबदन षडाननमाता ।जगत जननी दामिनी दुति गाता।।

नहिं तव आदि मध्य अवसाना । अमित प्रभाउ बेदु नहिं जाना।।

भव भव विभव पराभव कारिनि। विश्व बिमोहनि स्वबस बिहारिनि।।

पति देवता सुतीय महुँ मातु प्रथम तव रेख।

महिमा अमित न सकहिं कहि सहस् सारदा सेष।।

सेवत तोहि सुलभ फल चारी।बरदायनी पुरारी पिआरी।।

देबि पूजि पद कमल तुम्हारे ।सुर नर मुनि सब होहिं सुखारे।।

मोर मनोरथु जानहु नीकें। बसहु सदा उर पुर सबहीं के ।।

कीन्हेऊँ प्रगट न कारन तेहीं।अस कहि चरन गहे बैदेही ।।

बिनय प्रेम बस भई भवानी । खसी माल मूरति मुसकानी ।।

सादर सियँ प्रसादु सिर धरेऊ। बोली गौरि हरषु हियँ भरेऊ ।।

सुनु सिय सत्य असीस हमारी । पूजिहिं मनकामना तुम्हारी ।।

नारद बचन सदा सुचि साचा । सो बरू मिलिहि जाहिं मनु राचा ।।

मनु जाहिं राचेउ मिलिहि सो बरू सहज सुंदर साँवरो ।

करुना निधान सुजान सीलु सनेह जानत रावरो ।।

एहि भाँति गौरि असीस सुनि सिय सहित हियँ हरषीं अली ।

तुलसी भवानिहि पूजि पुनि पुनि मुदित मन मंदिर चली ।।

जानि गौरि अनुकूल सिय हिय हरषु न जाय कहि ।

मंजुल मंगल मूल बाम अंग फरकन लगे ।।

===================================

jay -jay girivar raaj kishoree . jay mahesh mukh chand chakoree..

jay gajabadan shadaananamaata .jagat jananee daaminee duti gaata..

nahin tav aadi madhy avasaana . amit prabhau bedu nahin jaana..

bhav bhav vibhav paraabhav kaarini. vishv bimohani svabas bihaarini..

pati devata suteey mahun maatu pratham tav rekh.

mahima amit na sakahin kahi sahas saarada sesh..

sevat tohi sulabh phal chaaree.baradaayanee puraaree piaaree..

debi pooji pad kamal tumhaare .sur nar muni sab hohin sukhaare..

mor manorathu jaanahu neeken. basahu sada ur pur sabaheen ke ..

keenheoon pragat na kaaran teheen.as kahi charan gahe baidehee ..

binay prem bas bhee bhavaanee . khasee maal moorati musakaanee ..

saadar siyan prasaadu sir dhareoo. bolee gauri harashu hiyan bhareoo ..

sunu siy saty asees hamaaree . poojihin manakaamana tumhaaree ..

naarad bachan sada suchi saacha . so baroo milihi jaahin manu raacha ..

manu jaahin raacheu milihi so baroo sahaj sundar saanvaro .

karuna nidhaan sujaan seelu saneh jaanat raavaro ..

ehi bhaanti gauri asees suni siy sahit hiyan harasheen alee .

tulasee bhavaanihi pooji puni puni mudit man mandir chalee ..

jaani gauri anukool siy hiy harashu na jaay kahi .

manjul mangal mool baam ang pharakan lage ..